《印度連鎖店🇮🇳好食雞肉馬沙拉🥘》
最近食多咗東南亞菜，發現原來印度菜都幾啱胃口🥰，佢哋每款咖喱都唔同口味🥘，令人驚訝之餘配薄餅食真係非常一流。今次去呢間係印度嘅連鎖餐廳，喺香港都有分店。當日佢仲見到好多印度人食晚飯，睇嚟都幾正宗😆🤟🏻。
.
📍香炸雜菜配洋蔥（$60）
Onion Pakora
望落好似炸魷魚鬚🥦，食落香脆👅，而且味道非常濃郁🙌🏻。食到微辣嘅咖喱味😏，再點埋旁邊嘅薄荷汁🌿，感覺唔油膩，都幾好食😋。
.
📍薄荷烤雞肉串燒（$130）
Pudhina Chicken Tikka
雞髀肉肉量好多🐥，肉質嫩滑又唔乾😍，外面用咗綠色嘅薄荷醬做醃料🌿，味道非常香濃👍🏻，用鐵板形式奉上可以保持食物溫度🔥，點埋旁邊酸酸地嘅醬汁味道更討好✨，推介✌🏻！
.
📍雞肉馬沙拉（$110）
Butter Chicken Massla
雞肉份量多🤗，對比起其他咖喱，呢款辣度好低🔥，容易入口，好適合香港人口味😎。味道豐富嘅Massla最啱就係配Naan一齊食🫓😋！推選為草根最愛的咖喱系列🥰！
📍蒜蓉烤餅（$40）
Garlic Naan
雖然蒜蓉味唔夠突出🧄，不過都無阻佢好食嘅事實🫓，口感煙煙韌韌，餅底脆皮，好適合配Massla食，代替食飯一樣飽肚😍。
.
📍牛油煎餅（$60）
Butter Dosa
Dosa絕對係signature dish，賣相夠澎湃😎，一條超大嘅脆脆👅，感覺好似一塊超大薯片咁，旁邊可以點4款唔同嘅醬汁點，夠晒特別！
.
📍Anjappar Chicken Meal（$100）
呢個餐一次過有10款唔同嘅咖喱🍛，中間配有印度米同兩款薄餅🍚🫓，啱晒啲多心嘅人✌🏻，又或者好似草根咁比較食小食印度嘢👀，都可以一次過試晒佢哋唔同嘅口味🙌🏻。
真係款款唔同味，唔少都係印度特色咖喱🇮🇳，平時好少食到，有一款仲好似西米糖水咁係甜嘅🤩
另外，仲有一款汁配有雞肉，味道唔錯👅，不過辣到都好高🔥。值得講吓印度米同我哋食開嘅米好唔同🍚，質感比較鬆散😏，飽足感低啲，感覺好似棉花😎，相當有趣🤩。個人覺得呢個拼盤都幾值得去食。
.
📍芒果印度奶昔（$40）
Mango Lassi
味道一啲都唔假，有芒果嘅酸甜味，越飲越開胃，而且口感唔會太傑，飲得好舒服😌！
.
每次食到比較少食嘅菜式都會感受到文化衝擊，其實放開心情去試新野，往往都真係會有意想不到嘅收穫😚。
.
Anjappar Chettinad Indian Restaurant (尖沙咀)
尖沙咀寶勒巷3-7A號萬事昌廣場2樓202號舖 @ Anjappar Hong Kong
Search